ULRICUS Han

ULRICUS Han

seu Haen, natione Germanus, ex municipibus Iohannis Gutenbergii, unius ex inventae suculô decimô quintô Typographicae artis Triumviris, primus formas librarias, rem inauditam, nec unquam Romanis visam, Romam attulit, circa A. C. 1471. Cuius nominis amphibologiâ (namque Latine Gallus Gallinaceus redditur) deceptus Antonius Campanus, ob istam primitivam in Italiam Typographiae illationem, nec solum hunc Ulricum pro primo artis inventore habuit, sed etiam, quod eum a patria et natione ita appellatum credidit, cum esset familiae nomen hominis e Germania oriundi, Gallis repertaetantae rei gloriam asseruit: secutiquesunt errorem eius etiam alii. Itaque hic Ulricus Han, cum divinô hôc opificiô, remliterariam Roinae ex inopia ad ingentem ubertatem adduxisset, in illum praefatus Campanus hôc lusit tetrastichô:

Anser Tarpeii custos Iovis, unde quod alis

Constreperes Gallus decidit, ultor adest

Ulricus Gallus, ne quem pascantur in usum,

Edocuit pennis nil opus esse tuis.